Newsflash
We have launched a special section featuring transcripts and more from radio programs for the enjoyment of fans. Thanks a lot to Sujoy Chatterjee, Ramaswamy and other contributors to the section. If you wish to provide more such content or help in posting transcripts please contact the administrator. This new section canbe accessed by clicking on Radio Se in the Specials Menu. Enjoy! You can also reach it by clicking Radio Se |
| Sargam Ke Sitare - Kishore Kumar |
 |
 |
 |
| Written by brij mohan vatsal |
|
Transcript Prepared By: Sujoy Chatterjee
Submitted By: Brij Mohan Vatsal
Song: Agar sun le to ek nagma huzoor-e-yaar laaya hoon
Yeh woh awaaz hai jo kaano se hokar seedhe dil mein utar jaati hai. Waqt ko rok kar insaan ko majboor kar deti hai usey sunne ke liye. Yeh awaaz hasee to sabko itna hansaya ki pet mein gubaar uthne lagte, aur jab udaas hoti hai to sunnewalon ke zakhmon par malham lagaa deti hai. Kisi udaas dil ko kisi ka kaandha naheen mila to isi awaaz ne usey kaandha dekar uska gham door kar diya. Zindegi ke har rangon se rangaa yeh awaaz sirf aur sirf ek hi ho sakta hai - hamare pyaare Kishore Kumar ki. Song: Koi humdum na raha (Jhumroo) Kisi ne naheen socha tha ki 4 August 1929 ko Madhya Pradesh ke
Khandwa mein janme Abhas Kumar Ganguly ek din ban jayenge Kishore Kumar. Yun to Kishore Kumar ne har kism ke geet gaaye hain, par aaj hum unke dard bhare geeton se unko yaad karenge. Song: Mere mehboob qayamat hogi (Mr X in Bombay) Manna Dey speaks, "Bombay Talkies ki studio mein Ashok Kumar ke saath
woh aaya karte the. 15 16 saal ka chanchal ek ladka, baat baat par gaana, poetry karna, woh ek kudrati, God gifted artiste hain." Song: Teri duniya se hoke majboor (Pavitra Paapi) Song: Khushi do ghadi ki mile na mile Pehle pehle sangeetkaar Kishore ko yeh kehkar mauka naheen dete the
ki unki awaaz mein woh baat naheen hai jinki unhe talaash hai. Par Kishore ne aisa din laa khadaa kiya jab bina Kishore ki awaaz ke kisi film ko poora hi naheen samjhaa jaata tha. Song: Kuch to log kahenge (Amar Prem) Kishore Kumar ke naam se hi sab ke mukh par hansi aa jaati hai. Film Mahal ke set par ek baar Kishore ne Madhubala ko bhoot bankar buri tarah daraa diya. Is baat se Ashok Kumar unpar behad naaraaz huye. Par Kishore ne apni manmohak adaayon se dono ko manaa liya. Hamesha muskuranewale is chehre ke peechhe ek tanha dil bhi tha jo unke dard bhare geeton se chhalak padta. Song: Koi hota jisko apna (Mere Apne) Yun to Khemchand Prakash ne Kishore Kumar ko pehli baar film mein gaane ka mauka diya, par sahi maayne mein Kishore Sachin Deb Burman ki khoj hain. Ek baar yun huya ki Ashok Kumar se milne, Sachin Deb jaa pahunche unke ghar. Kishore us waqt bathroom mein koi gunguna rahe the. Burman dada ko unki saaf awaaz pasand aayi aur kahaa ki agar yeh awaaz K L Saigal ko alag kar de to yeh awaaz kamaal kar sakti hai. Song: Dil aaj shayar hai (Gambler) Rahul Deb Burman ke saath Kishore ne film sangeet ko ek naya mod diya, aur in dono ne humein anek sadaabahaar gaane diye. Song: Nadiya se darya (Namak Haraam) Asha speaks, "Kishoreda recording studio mein itna hansate the ki
hanste hanste galaa kharaab ho jaata tha. Main unse kehti, Kishoreda, aur mat hansaiye nahin to recording cancel karna padega. Sattar ke dashak mein Kishore Kumar ne bahut hi surile aur hit gaane gaaye hain. Song: Mere naseeb mein aye dost (Do Raste) Kishore Dev Anand ke chahete to the hi, film Aradhana mein gaane gaakar unhone Rajesh Khanna ko film duniya mein sthaapit kar diya. Song: Roop tera mastana (Aradhana) Agar hum kahen ki Amitabh Bachchan ko superstar banaane ke peechhe Kishore Kumar ka bhi kuch hadh tak yogdaan hai, to galat naheen hoga. Song: Manzilen apni jagah hai (Sharabi) Song: Beqaraar dil tu gaayeja (Door Ka Rahi) Kishore Kumar ek mahaan gayak to the hi, woh ek achchhe abhineta, lekhak, nirdeshak aur sangeetkaar bhi the. Satyajit Ray ki film Pather Panchali se prabhaavit hokar usi andaaz mein Kishore Door Gagan Ki Chhaon Mein bana daale. Song: Koi lauta de mere (DGKCM) Gudgudaanewale Kishore ne jab sanjide filmon ki nirmaan kee to aam janta unhe pachaa naheen paaye, aur yeh filmen chali naheen. Aur unka yeh dard jab unke geeton se baahar phoot padaa to logon ne unhe palkon par bitha liya. Song: Zindegi ka safar mein (Aap Ki Kasam) Yeh waaqai chauka denewali baat hai ki Kishore ne kabhi sangeet ki formal training naheen lee. Woh kaha karte the ki sangewet to lahoo mein hoti hai. Song: Zindegi ka safar (Safar) Abhijeet speaks about Kishore's songs with "chhand". Song: Jeeva se bhari teri ankhen (Safar) Apni nirmit filmon ke na chalne se Kishore ko kaafi maali nuksaan uthana padaa. Unke paas income tax bharne ke 25000 rupay tak naheen the. Tab Ashok Kumar ne unhe sujhaav diya stage shows karne ka. Hemant Kumar speaks about how he took Kishore to Kolkata in Rabindra Sarovar stadium to sing for a stage show and how he captured the hearts of the thousands present there. Song: Chalte chalte mere yeh geet (Chalte Chalte) Kishore Kumar bina mehnatana liye recording studio mein naheen jaate the. Peshgee lenewale Kishore ne na jaane kitne parivaaron ki aarthik madad kee hai. Usha Khanna recalls how Kishore agreed humbly to sing for her after knowing that the producer had budget constraints. Song: Zindegi pyar ka geet (Sautan) Bappi Lahiri speaks about how Kishore had inspired him to become a playback singer. "Woh to mere mama hain, unke baare mein main aur kya bataaoon" Amin Sayani speaks about his meeting Kishore when Ruma's cousin who was his classmate took him to their house. Amin Sayani considers Kishore as "vividhta ke prateek". Song: O maajhi re (Khushboo) Sulaxana Pandit recalls the masti that they used to do during the stage shows. "Badaa maza aata tha, Kishoreda kabhi uchhalte, kabhi shor machaate, aur kabhi bilkul serious ho jaate the" Song: Musafir hoon yaaron (Parichay) 
Share Link: 
|
Comments
I will be real thankfull to you.
Thanks.
Kamal
RSS feed for comments to this post.